Wings Of A Nightingale

Sa pinakamaeayo nga baryo

Pilit adtunan it mga kandidato

Kun makapungko ngani sa pwesto

Halipatan eon ro daean paadto idto.

             

                ***************

 

 Sige, bakasa’ng linamano

Indi eang kunta pagkibuean, mga paead ninyo

Sa eleksyon kun magdaog kamo

Gamita inyo’ng alima sa pagsapnay sa isigkatawo.

 

               ***************

 

 Pag-abot ko sa trabaho

Ro mga narses gakinagulo

Nagahimakas buhi-on

Pasyente’ng naduea-a’t alintro.

 

               ***************

 

 Eaum ko, ginahimakas tapuson

Ro trabaho, nakatambak eon

Ano abi, sige ro pamayhon

Hali’t alas otso hasta’t alas singko it hapon.

 

               ****************

 

           Tig-aeani

Paearehas ro paghueay

It tubas nga paeay

Ro magmaeanghod,

Sige gihapong inaway.

 

               ***************

 

 Pagmukeat ‘ka mata

Ginatueok ‘na ra asawa

Pilit nga ginapanumdom

Sa isip gapangutana, sin-o baea ‘ra?

 

               ***************

 

            Pinalangga   

Maskin sa among euyo, owa ka eon

Sa tanan nga adlaw, kaibahan ka namon.

Eab-as ag buhi ka pa gihapon,

Sa amo’ng painu-ino ag tagipusuon.

 

-Father’s Day tribute to my father-

June 20, 2010

 

               ***************

 

             Ati-atihan

Sige sinadsad, Hala Bira!

Maskin anong kagauy, owa nabaliha.

Sang domingo nga kinaransa,

Abaw kasadya do Ati-atihan ngara!

 

-Jan. 16, 2011-

 

               ***************

 

 Indi mapayongan nga uean,

Hara nag-abot ka eoman.

Paadto sa trabaho, natrapik ang saeakyan,

Dahil nagbaha ro mga daean.

-Feb. 17, 2011- 

 

               ***************